TENIMUS PRESSE...

Est totu cambiadu
in cust'alenu curzu de sa vida.
Nemmancu su beranu paret issu :
non dat pius signales
de sos suos colores de incantu :
quasi ch'est isparidu
su balsamicu nuscu 'e sos fiores;
e non s' 'idet pius
su nostalgicu arrivu
de sas amigas rundineddas mias.
Solu unu 'entu siccu
mi sulat e fastizat,
attuddindemi tota sa carena
cun libidos cartgnos de tristura.
Torra ancora beranu
cun cantos d'amistade,
faghe intender sa dulche ninna nanna
chi cantat sa marna a su fizu,
astrintu fort'a sinu
cun sos brazzos che cadenas d'amore.
Totu est isparinde:
ca presse tenimus d'arrivare,
olvidende sos passos de su tempus
in chilca 'e cuntentare
s'ingurda brama de s'anima tzega.
Torra beranu torra
cun signales de vida,
e porri dae nou
sos licanzos sapores de s'ispera.