PIZZINNIA

Ahi, tristura, Nugòro, a ti pessare
chene nemmancu ti poder mirare,
chene poder intender sos alores
de s'Ortobene e de sa Solidade!
In Santu Noffre sos grtllos sun cantande,
in Ba l ubirde biolas de su bentu
chin arpas incantadas sun sonande.
Sa friscura 'e Barbare est beridade :
istanotte s'alénu est bentulande.
De sorres ses sa bidda e de carrales ,
de amicos lassaos e mannos corales,
de cumpanzos mai mai irmenticaos.
Si in bisione ti bio mi ses muttinde
e si tremet sa povera pessone .
Tando m'abbizo: b'est galu s'iberru
de bida maricosa in s'istajone
ca non s'accattat fine a su disterru.
E a bolare mi ponzo chin sa mente
in cudda badde nostra soliana
a cabaddu 'e pruddedu de masone,
dae Mughina rucrande a Oliàna,
dae Badde Manna chin carros ghirande,
de sa binnenna s'achina battinde
dae Santa Maria a Nùgor 'intrande.
Ma sun ammentos de sa pizzinnia:
de su tempus chi non podet torrare,
chi un'attristiu deppiat irmenticare
pro su coro torrare a selenare.
O pro sichire a biver chene prantu
in custu continente chen'incantu
e in terra anzena, dae ube si tuccare
a locos de beranos profumaos
in fines sa carena a si pasare.
Pizzinnia, pizzinnia:
nemmai ti ses fughia, malancunia!