ORULOS DE SA NURRA

Proite
istanotte, s'istrìa
pro tres bortas
at hantàu?
Da su helus halhi isteddu
forzis vich'ada acchirràu? ...
Proite ,
aves e horvos
e su puzone petharju
croan da s'impuddile? ...
Homare no intendies? ...
Da sa Nurra sos hadolios,
hi c'arriban a Horrasi? ...
Una mamma mutinde: "izzu".
Unu izzu mutinde: "babbu" .
Una izza mutinde: "mamma".
Una sorre mutinde: "frade".
Un'isposa mutinde: "horo".
Homare no intendies? ...
Homare no intendies,
sos orulos da sa Nurra
hi c'arriban a Gorroppu? ...
Vois no los intendies?
No vois no intendies,
no los intendet nissunu! .. .
Nissunu voled'intendere
hussos orulos de morte,
ma su hantihu 'e s'istrìa
nos arribat a urilhas
homente una hundenna,
unu hastihu!. ..