CULILUGHES
(A sos volontarios in Bosnia)

Est note , chelu sen'isteddos
tintu a nieddu da-e pinzellos de terrore.
Ma menzus chi droman sas lughes,
menzus s' iscurigore chi non lampos
chi sulcan sos chelos mudos .
Menzus mudos sos chelos chi non sos tronos
c'abberin s'aera cun saetas mortales
de prumos famidos de samben de f r ~ d e s .
Che ura mala. serbos - croatos, islam1cos-serbos,
croatos-islamicos. ma totu jugoslavos
frades finas a deris , oe timen,
isparana. fuen e si cuan .
Sos fizos in prantu pedinde piedade
e unu biculu 'e pane.
In sa note 'e Bosnia a lughe menguante
apena assebertan unu culilughe.
poi un'ateru. e un'ateru ancora.
Brionin isperas, abreschid'e isetos
iscanzan 'apena risitos in caras
sulcadas de prantu.
Addià sos culilughes! ...
Sun manos amigas
de terras istranzas
chi oferin carignos
negados da-e frades;
e forzis sa entruzza istrinta e gìuna
oe non murrunzat.
Ringrazian sos fizos de Bosnia
sos serbos-croatos, islamicos-serbos,
croatos-islamicos, e isperan.
Isperan chi oe muscones de atarzu .
non muilen minetas in chelos de Bosma
caland'a chisina isperas de cras.
Isperan e isetan chi sos culilughes
torren ancora da -e terras istranzas
cun manos amigas a dare carignos .
E torran, in bolos de amistade
ma muscones de atarzu nd'istudan lumeras.
Ma sighin a bolare in chelos de Bosnia
in isetu sagradu 'e culumbas de paghe.