SA PAGHE EST MORZENDE

Non b'at duttore
chi abbiet su mortu :
su mortu restat mortu.
S'umanidade andat
in su destinu isgnotu
de s'oscuridade.
Sa vida creschet e imbezzat
e colan sas dies
chi non torran mai
a bider sas immagines passadas;
de sa vida e su tempus andadu
non b'at acconzu.
Sa ruta, sa pesada,
s'istroppiu sanat
o si peorat in caminu.
Bisat conchistas
avventuras
chi cras olvidat
sos isforzos , su tempus perdidu .
Sa vida cambiat ogni mamentu:
tramat odios, gherras
timorias e traighimentos.
Cantu, cantu samben
at infustu sa terra!!
Su prumu, sa leppa, su fusile,
no at tentu Cainu.
S'umanidade
at semper insambenadu
sa paghe.
Da su cominzu sou
mancu dughentos annos
at vividu serena.
Sa paghe est morzende
de-e su velenu
chi raffiat s'omine
isperdende finas sa zenia
de custa proa de vida irredenta.