EST BELLU BIVI' IMPARI

Candu sa gana de bivì est manna
e a solu no ci dda fais;
candu cun totu su coru tui bolis donai
ma no scis a chini;
candu bolis izzerriai " Amori miu"
ma t'accatas ca ses solu;
candu su dolori ti sìddat
e no c'est nisciunu chi t'aggiùdat;
candu in sa bertula tua
t'avànzat un arroghedd' 'e pani
e no scis a chini ddu donai;
candu is brazzus tuus sparrancas a celu
ma no tenis nisciunu de imprassai;
candu, disisperau, prangis
e no c'est nisciunu chi ti nd'arregolit is lagrimas;
candu sa timorìa ti bincit
e mancu un'anima t'ascùrtat;
candu t'accatas de tenì ancora fidi
e ancora t'intendis omini
circa insaras de fai unu passu a innantis,
allonghia cun fiducia sa manu tua
e sempri, in su camminu 'e sa vida,
as a agatai una manu amiga
chi t'at a donai calori... prua e amori,
e arriendi t'at a nai:
"firmadì cun mei. ..
e ascurta sa boxi de su bentu chi ti nàrat
est bellu bivì impari e s'aggiudai".