PRO SEMPRE

In telas de fantasia
pinto fiores e bisos.
Unu - su pius galànu -
- intr ' 'e su sinu -
at pàlpidos de columba.
Deo ... banzigu 'e luna
Deo ... giardinu ..... .
Tue ... buttòn' 'e gravellu.
64
Su mundu nostru est tott'inòghe,
in custu semen fattu vida,
in custa carre fatta cantòne:
cantòn' e musica ch'albèschin
su mudìmin' 'e sas umbras.
Deo ... giardinu
Tue - prestu - fiore.
Deo ... su monte
Tue ... fruèddu 'e lidòne.
Deo ... sa rìa
- in s'abbrazzu 'e s'unda -
Tue ... su mare.
Su mundu nostru est tott'inòghe!
So deo su cherchu ch'abbrazzat
su meraculu chi ses tue.
Tue fizu ... deo marna!
Pro sempre ...