Informazioni sull'opera
TESTO
SU BANDU MESSAGGERU
O trumba bandulera,
sonende a disora
in sos oros de foras
de su mare,
clama a boghe sonora
in terras foristeras
a chie at s'i spera
de torrare.
Columbas totu umpare,
bolende passizeras,
canten su chi ti paret
beru ancora:
battias e comares
sun desizende ognora
sos fizos, chi s'altare
infioran.
Sa bella primaera
de sos bonos affares
benzat che fazendera
cantadora,
chi mirat sos compares
ballende cun pastoras,
reinas et segnoras
de s'istera.
E sona trumba allera,
chi est beninde s'ora,
54
a pizzinnas sinzeras, de amare:
passen che fioleras
sas nues, chi coloran
e binzas e dimoras,
in sa sera .
SCHEDA DELL'OPERA
| Titolo | Su bandu messaggeru |
| Sezione | Poesia |
| Autore | Leonardo Iddau |
| Nome | |
| Anno | 1994 |
| Argomento | |
| Descrizione | |
| Lingua | |
| Editore | Premio Ozieri |
| Contributore | ATHENA SRL |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 1994 |
| Copertura | Logudoro, Sardegna Italia |
| Diritti | Comune Ozieri, Premio Ozieri |
| Analisi del Testo |