Informazioni sull'opera
TESTO
SA CANTONE 'E S'AMORE
In su prufundu
'e s'anima mia
b'at una cantone
chi sas peraulas
no poden bestire .
Una cantone
intuvonada in su coro,
chi no iscurret
che tinta in pabilu.
Imboligat su sentidu
cun d'unu mantu lèbiu.
A chi -e
l'apo a cantare?
Apo timoria
'e orijas profanas!
Una cantone
isparta dai su silenziu,
ingullida dai su lamentu
e intonada dai sonnios.
Sa cantone 'e s'amore,
pius profumada 'e su gesmìnu,
pius preziosa 'e su segretu 'e una vergine.
Est su suspiru 'e criadura
cun s'orulu 'e sa tempesta.
Cal'omine
at a cantare
sa cantone mia? ...
SCHEDA DELL'OPERA
| Titolo | Sa cantone 'e s'amore |
| Sezione | Poesia |
| Autore | Antonia Becciu |
| Nome | |
| Anno | 1994 |
| Argomento | |
| Descrizione | |
| Lingua | |
| Editore | Premio Ozieri |
| Contributore | ATHENA SRL |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 1994 |
| Copertura | Logudoro, Sardegna Italia |
| Diritti | Comune Ozieri, Premio Ozieri |
| Analisi del Testo |