MI FAGHET DIE ...

Mi faghet die custu bisu de ìere
cantende sos brùfulos a s'abbrèschidu ,
puru si soe mudu a reconnoscher
s'agunìa de s' anzone iscannadu,
sa pena de su cane randazu,
de su coro perdidu in sa notte.
Mannu Deus de sa vida,
iscadena un'abba digna 'e ammentu
chi samunet sa Terra d'ogni culpa,
pro chi fioren cras sos fizos suos
che lizos ìnnidos.
Mi faghet die custa notte 'e ilgerru
sena serrare oju,
cun sas abes brullende in su casiddu,
puru si soe mudu a reconnoscher
chi s'istranzu prima de b'intrare
si devet frobbìre su piantu.
Mannu Deus de sa vida,
corno su fulmine in manos tuas
rispondet a su tichìrriu meu :
iscadena una tempesta luchente
pro chi su sole 'e austu torret a nois
prus craru et puru.