A MANOS NUDAS...

A manos nudas t'incaras
bentu banduleri
in terra de Ichnusa

e tragas sonnos

sonnos ingurtidos
de su mare asulu

imprexonaos de d'una rezza
chenza piscàu...
Biddas sempre prus buidas
pranghent su disterru de fizzos.
Sun matas chenza fozzas:
no cantal cordonera
a beranu

e no ninnai brazolu mammai.
Cun ogos penzamentosos
M'abaido a inghiriu:
mindas siccas jannas tancadas
chen"e foghile.
Giovunus de farrancas faineres

pedinti pane a tie:
Terra!
Attitat sa luna

po unu sonnu furàu a una mamma

chi hat tessiu a fil"e coro niu

e dogna die ettat trama

a sa tela de sonnu proibiu...
No m'arrendo e torro:
ghetto ancora rezza
po piscare isperas
de semenare in custa terra avara

chi zeurrent:
in custas manos nudas!


Ida Patta di Samugheo
residente a Cagliari in via Boito 19 Tel-070/485176
Nata a Fiume il 6/9/31