ANIMA DE POETA

Po tui puru
seu stetia
s'anima perdulaia
chi lompit cun su bentu
'e murriadroxu,
chi si stentat
in su liminargiu,
senz' 'e acostai
a su fogu.
E furrtat su passu
a su caminu
prus sola donnia borta.
impellia
coment' 'e arena martgosa
de su bentu e de s'unda,
senz' 'e pasu.
s'anima bagamunda.
E si 'ndi morit
su cantu prus innia.
Prus innia de is arrugas,
de is teuladas. prus innia
de is bolidus di arrundilis
chi trigant.
ingraiaus de umbra
e de serenu.
Prus innia
di aund'ierrant sonnus
e disigius
e prus atesu ancora
e prus in artu.