Informazioni sull'opera
TESTO
IN S'ORU 'E MAREA
Miro sas undas furèntes
chi frànzen in sas roccas grogas
de sas muraglias a mare
cun ispàros de ispuma nida
chi mi carignan sos pes isculzos.
Benint sas undas da-e tesu
da-e sas neulas erràntes
de s'orizzonte ,
chintende sa carena
de sos vascellos a sa roda .
Non tia restare inoghe
contende sas velas ispòzas,
si no aia in ossos
unu rosariu de ispinas
a sa torrad 'e contos
e a s'ultimu criu
chi mi trobein sas forzas
e m'inserran sa volontade
de rivivere su mare meu
e su sou eternu ispasimare.
Resto a forza in s'oru 'e marea
a s'isculza e a conca bascia,
fissende mudu sa rena
eternamente in andèra
pro alleviare s'assediu
de un'istracca malinconia
ligada a sa memoria
cun d'un'istrizile filu 'e seda
SCHEDA DELL'OPERA
| Titolo | In s'oru 'e marea |
| Sezione | Poesia |
| Autore | Franco Emanuel Solinas |
| Nome | |
| Anno | 1993 |
| Argomento | |
| Descrizione | |
| Lingua | |
| Editore | Premio Ozieri |
| Contributore | ATHENA SRL |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 1993 |
| Copertura | Logudoro, Sardegna Italia |
| Diritti | Comune Ozieri, Premio Ozieri |
| Analisi del Testo |