A MAMMA

Bell'est sa die,bellu su momentu,
candho ti penso,manma,ca t'adoro:
ses siendha impremida in su coro,
ses de sa vida mia s'alimentu.

Perun'istella in s'altu firmamentu
superare ti poded'in decoro:
nan b'hat marmaru dignu ne tesoro
pro ti fagher eternu monumentu.

Non b' had'in s'universu un'elementu
ch'hapat' profumu,melodia e bellesa
ch'hapat'amore'incantu,simpatia

che tue ! Tue sola,manma mia,
ses funtana 'e virtude e nobilesa,
ses de su coro meu gosu e turmentu!

Cantadore pellegrinu


A DOMINIGU E MARiA

Sas undhas t'hana idu pellegrinu
branidu 'e pane e de felizidade:
carigos t'hana dadu in cantidade
cun mulmuttos,Dóminigu,in caminu.

Su chelu infinitu,cristallinu,
basos ti ha donadu in amistade
e,premiu pro sa tua onidade,
t'ha preparadu lughidu destinu.

Giradu ndh'has de terras de incantós
chi sos giardinos suos t'hana abbeltu;
ma in s' Isola ricca 'e poesia

de runaghes antigos e de Bantos,
in gentile giardinu has iscobeltu
sa cumpagma 'e sa vida ch'est `aria.


Cantas undhas,edducas,b'hada in mare,
cantas istellas lughen in su chelu,
cantos puntos cun s'altu han postu in telu
dies felices potedas gosare.

Sa dom' ostra potedas adornare
de quadros viventes.Un'anghelu
de umbras allontanet dogni velu
chi solet vida umana accumpagnare.

Siedas duas lughidas bandhelas
aunidas in magica iscogliera
caras a sole ardente,a bianca luna.

Salude e paghe siana sas velas,
aiat su mare eterna primavera
ue andhedas cun bona fortuna.

Cantadore pellegrinu


A S'ISPIGA

O ispiga,lughida,chei s'oro,
has profumos de lagrimas e dolu,
has mulmuttos de limpiu rizolu,
has carignos de sole,asos de coro.

T'amo ca ses amabile tesoro
de custa terra e umile consolus
paret chi milli anghelos in bolu
t'hapan dadu ricamos e decoro.

Ti messo cun sa fronte cunsagrada
'e suore;t ' ispozo ei su ranu
istringo e lu aso cun amore.

Isse mi paret teneru fiore
chi brillat e m'imperelat sa manu
ch'est gai de fadigas premiada.

Cantadore pellegrinu