ERIS E OJE

Imbrossinaos in terra,
muttini a boch'isparta azzudu issos ...
sos pessamentos de eris .
Intuveddada in s'arbure'e chercu,
attittande dolore, ingurtinde belenu issa ...
sa morale de eris.
In sa ruche
de malas paragulas
sa sacra familia, irbinarjada, est marturia,
e in s'istrada,
sa zente de oje est istranza
ca da oje su tempus,
ja s'ischiti,
est oro ... ma ...
colande in su 'e eris,
su tempus fit tottu,
e in s'ifferru de oje morimmus,
de sidiu de amicos .. .
de sidiu de amore .. .