Informazioni sull'opera
CANTU DI GRIDDHJ
Cu l' anni ,
lu fracassu di la cità i
lu cantu amicu
s' era suvrappostu
inaridendini l'ammentu .
Ma, stanotti,
l'emuzioni d' un tempu
àgghju pruatu
ascultendi lu cantu
di li griddhj .
Lu tiattru é di fola:
luna piena chi da li monti,
coa coa, s'affacca ;
ùmbri suspittosi
chi a dugna sùffiu di 'entu
si spostani;
stelli in celu più lùccichi,
trimulanti,
e canti , canti chena sosta
di griddhj, chi pàrini 'ulè
da l'addiu a lu stiu chi mori.
L'ammentu curri a l'etài
innuzzenti, candu la sera,
da lu pastricciàli di lu stazzu,
pusatu a lu friscu,
chistu cantu ascultà ,
a volti suttumissu
da cantu di ciònca
o sbràuli di macciòni.
Vistuta a festa è la notti,
imbulicata a li mistéri
di lu bugghiu.
Li griddhj càntani,
càntani chena sosta
e lu cantu ill'aria sciuta la 'ita
d'un mundu chi a didì
pari drummìtu.
L' emuzioni, pal me ,
é sempri la stessa .
| Titolo | Cantu di griddhj |
| Sezione | Poesia |
| Autore | Vittorio Nieddu |
| Nome | |
| Anno | 1993 |
| Argomento | |
| Descrizione | |
| Lingua | |
| Editore | Premio Ozieri |
| Contributore | ATHENA SRL |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 1993 |
| Copertura | Logudoro, Sardegna Italia |
| Diritti | Comune Ozieri, Premio Ozieri |
| Analisi del Testo |