CANTU SES BELLA
Cantu ses bella o gioventudi,
candu prena de vigori e di onestadi,
passas in su mori de is abetus nostrus,
cumente unu frumini de perlas luxentis,
e in sa cara tua illuminada,
s'intèssinti s'òi e su de bermi,
po cantu atesu siada,
non nc'est lacana chi ti pongat timoria,
tui andas prexada a portai. ..
sa frisca arrosina chi segat su sidi,
e is froris chi mudanta dogna altari,
tui ses su sprigu aundi si bit clara ...
s'anima manna de su mundu,
ma po essiri cumente luxi de y steddus ...
in su coru de is sabius,
passa atesu de s'omini de s'arrori,
issu fait cresci poboresa e soledadi,
no ti firmis mai.. .
aundi sa pastura est langia e ingroghìa,
inguni firmada is passus su tempus,
inguni firmada is passus sa morti,
ti dat a nai su messaggiu de sa luna chi mòridi,
ti dant'a nai is stagionis,
chi mùdanta candu sunti fadiadas,
firmadi solu cun s'orbesci de su soli,
su spiritu tuu est musica,
bai cun is melodias chi bìvinti,
bai cun is cantus di alabanza,
cantu ses bella o gioventudi...
candu ses onesta,
intzandu solu ti fais meri cun onori,
de dogna espressioni de s'umanidadi.