Informazioni sull'opera
TESTO
IN SU PORTU...
In sa banchina
de su portu de Genova,
po cogliunai s'abettu
de s'imbarcu, passillendi
andu e torru .
S'acqua trula,
pren' 'e nafta e bruttesa
fait schivu, nc'allongu.
Ind'unu parcheggiu
quatturu automobilis
abruxadas,
mi faint impiluzziri...
Unu bloccu de cimentu
m'invitat a mi sezzi;
seu fadiau,
mi lassu cumbinci.
Tot'in giru, ancora bruttori.
Unu piccioni
cun bolidu acrobaticu
mi sfiorat
atterrendu - sì accanta;
su pei de manca mutilau,
zoppiddi-zoppiddi, andat
sciorinend'in s'aliga
donnya pispisalla.
Sa pinna, totu scolorìa
e atrufuddada,
sa cara incillìa
e su fai dudosu,
scoviant ch'est becciu:
e cant'y a mei,
fadiau e arrosciu!
SCHEDA DELL'OPERA
Titolo | In su portu... |
Sezione | Poesia |
Autore | Efisio Atzori |
Nome | |
Anno | 1993 |
Argomento | |
Descrizione | |
Lingua | |
Editore | Premio Ozieri |
Contributore | ATHENA SRL |
Tipo | |
Formato | |
Fonte | Premio Ozieri |
Relazione | Concorso Premio Ozieri 1993 |
Copertura | Logudoro, Sardegna Italia |
Diritti | Comune Ozieri, Premio Ozieri |
Analisi del Testo |