INN'ALA DI TIMORI

Più no irrivolgi
a azzi d'irrighi
acchittu di speri,
cun cal'attunaa
lu "la" a la schiddha
di lu to' dì.
Sempri più appianu
l'intendi lu cantu,
subbr'a un'altura,
a un beulu di lupu,
chi, sempri più ignò,
ti ci fala.
Lu tò ghjpponi
di mariposa in andera,
chi a la so' dì rifulgi
in svaluritu fruni,
a ruu s'imbuliigghja
e la fronti firuta
è aucia
in vetrina
di fritu amadori.
Sippuru inghjriati
di rosei curoni,
so poddhini a fili
alliciati
li brami,
drent'a incruditu fruttu,
a la mùita
di lu to' pinseri,
inn'ala di curagghju
inn'ala di timori,
a disania d'un adiu.