Informazioni sull'opera
TESTO
MARINERIS
Perdidos e cuvrenados
in sa mannaria 'e su mare
viazamus contr'a bentu
assimizantes a s'omine attrividu
chi chircat in su misteriu
- argadende
sos isteddos pius lughidos -
sa ghia infinida
de s'inzertu cras nostro
chi no resessimus a insogare.
E nois viazamus reberdes
e isciaos de s'idea 'e orizontes
chi offerin isula e portu
mentres undas battimosas
nos laccheddan cun su tempus
conchistados e isfidados
da-e su cantigu 'e sirenas
chi ateros marineris
han pessighidu abbelados
in sos milli mares de su pessu
ue timorias e isperanzias cuntierran
in s'arriscu 'e su Duamiza.
SCHEDA DELL'OPERA
| Titolo | Marineris |
| Sezione | Poesia |
| Autore | Cristoforo Puddu |
| Nome | |
| Anno | 1992 |
| Argomento | |
| Descrizione | |
| Lingua | |
| Editore | Premio Ozieri |
| Contributore | ATHENA SRL |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 1992 |
| Copertura | Logudoro, Sardegna Italia |
| Diritti | Comune Ozieri, Premio Ozieri |
| Analisi del Testo |