Informazioni sull'opera
A Fata e Die
A bon' ora 'è primu manzanu
mind'ischido assonnadu
balcone imbambarriadu
tempus bonu e serenu.
M'accero
et bido attesu
sa Pastia post'a laore
trigu bellu rigogliosu
unda irde lende colore.
Una frina
est isbentulende
su laore a erva ispigadu
paret mare increspadu
dai nues giaru lughende.
Aria frisca a manzanile
consolat su chitulanu
a s'essit 'e giannile
s'aeras ponent tempu bonu.
A vista
est unu die doradu
cun bona natura beranile
Isse
s'accerat ismisuradu
azzesu
color'e oro su sole.
Abril'e maju floridos
rosas e geranios rujos
un'incantu 'e profumos
ponent gosu
finzas brios.
Ispantu dai faghet giaru
un'ojat s'ambient'e fora
gosare estasiadu s'aurora
prodigiu eccelsu caru.
Chi Deus Mannu nois dat
a totu su genere umanu
sole
lughe ispramminat
subra onzi situ terrenu.
Sa linfa a dare vigore
'e sos padros coltivados
produire bonos alimentos
at universale ben'essere.
A fata e die
sas fainas
dovere 'e zente operosa
attivos in operas bonasa
at esigenzias cotidianas.
Antoni Meledina
naschidu
in Othieri su deghe de Santu Aini milli noighentos vinti trese.
Residente a Piacenza via Nasalli Rocca 56
Cod.Av.Pos/le 29100 Telf.0523- 458167.
Titolo | A FATA E DIE |
Sezione | |
Autore | Antoni Meledina |
Nome | B20050034 |
Anno | 2005 |
Argomento | |
Descrizione | |
Lingua | |
Editore | Premio Ozieri |
Contributore | TecnoService |
Tipo | |
Formato | |
Fonte | Premio Ozieri |
Relazione | Concorso Premio Ozieri 2005 |
Copertura | Italia, Sardegna, Logudoro |
Diritti | Comune di Ozieri - Premio Ozieri |
Analisi del Testo |