L'ORA DI LU MEZUDÌ

Candu la campana di lu mezudì
cu' lu so' sonu mi piglia pà manu
la pòngu menti, nò mi vogliu pirdhì.
Edda mi fazi cunniscì l'amòri
chinò è fattu soru di duzzùri
ma isìsthi puru i' lu duròri!
Tandu cumprèndu megliu lu varòri
di tanti cosi manni di la vìda
e lu mé cori brùsgia di caròri.
Campana di lu mezudì chi sòni
pà ammintàmmi chi la dì s'ipàrthi
e chi l'ori (bèddi mari o bòni)
di dugna méza dì chi s'alluntàna
agiudènd'a criscì lu ch'è minòri
cùrrini cument'èba di funtàna ...
Tu marchi a dugna cosa criàda
la midài di li dì di la vìda,
di dugna vìda chi z'è già passada!