FESTHA

Candu tempu sarà di festhi
z' esciaraggiu una dì
a isciubaranni una.
Aisettaraggiu chi fària lu sirenu
a m'avviaraggiu a la s6ra
tra chisuri di fràgiri diamanti
a ischubià
d'n Santareddu cassisia
la festha dischreta.
I li campi suriani,
in una gesgiaredda ùmiri, infiuccada
di prigurosi usthinadi,
ch'aggia di la campana più lébia
lu riciamu .
Mi n'andaraggiu a la festha
di lu zéru frubidu e di l'àiburi,
di l'arieddi d'un isthadiari innuzzenti.
Undì, chena buzià,
lu turroni ischisitu,
fattu cu lu meri nobu
e la mendura cruccanti,
m'ùffriani li turronaggi di Baibagia.
Undì
in tazzi lampiggianti di sòri
si bìghia lu vinu sanu
di lu bon auguriu
e li parauri, lu pani, l'alligrìa
mi siani donu prizziosu.
Andaraggiu a undì
sigréti lusinghi
isceddiani ancora
li rignoni mai fadighi
di giobaneddi abbandunadi
a la frinisìa di li baddi.
L'agataraggiu
una festha digussì,
iscioltha da lu labirintu di li paùri.
Mi l'abaraggiu a isciubarà candu
d'una isthasgioni aisittada
sarà giuntu lu tempu .