A DEISEGUS A SA POLTiTA


Lassal'abbelta sa poltita

lassa chi intred'isprinn'e sole

dai troppu tempu' so appita
de tebiu raiu chi mi console
como chi
cun zeltesa

est'arrivìda sa etzesa.

Ilghinzila cussa poltita
cantu bastada pro chi sa vida
mi pote faghere una visita
disizada che bon'amiga

mi mustre tottu sos colores
chi an'in premiu sos fiores.

Falala
como
sa poltita

lassami su carignu 'e s'appasigu

sa manzana
incabasciada e fritta

m'approntad'
elenosa
unu garrigu
chi
so seguru
no appo a rescìre
in palas
ilbriadu
a lu ighìre.

Cunzala cun su ganzu sa poltita

serrala e dalli unu ghjru 'e iae

prò cantu cussa etza malaita

cumpiaghendesi de sa mia piae

che padrona intrada
chena zoccare

ch'est'arrivìda s'ora de andare.

Su balcone est'oramai ilbarrizadu

brincadu ch'este s'istantarolu

su logu deseltu e abbandonadu

inghjeladu e tristu in donz'agnolu

su colpu' sutta e terra sepellidu
s'anima in biazu chilchend'annidu.

Pala Giovanni Maria
Nato a Luras il 29.01.51
Res. Tempio Pausania
Via Iosto Azzera n°l
Tel. 328.6534356