Informazioni sull'opera
A FILU D'UMBRA
Ed éu chi cridìa d'aé' pocu
pa li mé' sonnii di la ciuintùra
cand'ancòra in castéddhu fatt'a irrèna
m'éra nicàtu in mez'a ghjòchi d'ea.
La casa éra di mamma, in pétra nuda.
E in fundu 'n fundu, guasi a filu d'umbra ,
colbi di mari allimìti
primma di dugna bòlu s'aunìani.
Illa spiranza mai tantu sigùra,
come abàli , o mamma, passàa la t6' frigùra,
e mi suvvèni la chjamàta
candu ghjucami a trìbbita di luna:
majia d'una bòci in primma séra
ch'éra lu sali di la mé' fultùna.
Abàli, a la turràta di lu branu,
un salùtu filmàt'a meza ghjànna
mi torra lu tò' passu cunnisciùtu
cu la tò' bòci illa carréra manna.
Abàli ha présu folma la mé' casa:
cattru monti di rocca chena nea,
granìttu disignàtu in pétralana
tra una màcchja d' uddhàstru e di listìncu.
Lu brincu è istàtu mannu.
E lu mari figghjùla e si pricònta
si chist'omu chi vidi è chiddhu stéddhu.
Iddhu, a lu mancu, poni la dummànda.
Éu no socu si socu mutàtu
nè si socu cuntèntu.
E no lu sani li colbi marìni
chi tòrrani a li 'jòchi a filu d' umbra.
E no lu sa lu 'entu.
Titolo | A filu d'umbra |
Sezione | Poesia |
Autore | Piero Canu |
Nome | |
Anno | 1992 |
Argomento | |
Descrizione | |
Lingua | |
Editore | Premio Ozieri |
Contributore | ATHENA SRL |
Tipo | |
Formato | |
Fonte | Premio Ozieri |
Relazione | Concorso Premio Ozieri 1992 |
Copertura | Logudoro, Sardegna Italia |
Diritti | Comune Ozieri, Premio Ozieri |
Analisi del Testo |