A CAVADDHU DI LA LUNA

Era da pogu lu soli caladdu
e l'umbra si spaglìa i lu vaddhiggiu

lu cielu s'era fendi nieddhu e griggiu
e lestra
m'ha lu buggjiu imbuligaddu

cu li mè pinsamenti rilassaddu
tutt'ammirava da chissu muntiggjiu

mi parìa lu mondu umbè luntanu
e lu cielu tucchendilu cun manu.

Spuntavani già li primma steddhi
brillendi in chissa oscuridài
e in ausentu e cun serenidài
mi li cuntava che li picinneddhi

parìa intindì zocchi e sfraizzeddhi
er'eddha alzendi dall'immensiddài.
La lun'a manu a manu chi n'alzava
l'aria più chiara sempri divintava.

E' staddu lu mumento d'un incantu
candu s'è acchjiaradda beddha piena
induraddu s'è tuttu mari e rena
cu l'undi scurrazendi dugna tantu

e l'aggjiu dittu....a mi polt'innantu
a cavaddhu che un'ebba ben sirena?
E m'ha ripoltu cun bon'almunìa
posad' innantu e fammi cumpagnia.

Brinca puru
chi vedi mari e terra
lu to mondu suspesu ruddulendi
genti che frummiguli arrugjiendi
a canti e a uruli di gherra.
Poi ti poltu puru a l'altra perra
pa videnni di loghi fummighendi

p'arrichissi
vinnè di fummu nieddhu
e no possu arrampanà di lu buldeddhu.

A me chissu buldeddhu m'acciuncava
sinn'intindìa peni e di lamenti
ricchi
piccadori e innuzenti
vidìa la molti
chi l'isvultulava
e l'anima viginu mi passava
alzendigi und'è Deu Onnipotenti.
Calcunu lamintava ... o molti orrenda
giossu m'aggjiu lagaddu una sienda.