SU LABRU ETERNU

In su mare prus libidu 'e su mundu
m'isto tremende a sagada, istasiu,
sonniande galu bramas
e beraniles pr ados de cossolu.
Sa sorte m'hat iscuttu
chin sa frunza 'e s'anneu
e m'hat ischerfiau sas ideas
e tottu sos alentos de su coro.
Ma dego non b'iscaddo. Sònnio galu.
In cuddu montricheddu cara a sole
sas tilichertas sichin
a si pintare sònnios de lucura .
E dego, che a issas, pacubbene!,
m'imbento isperas, durches alapinnas
e panderas de groria.
E chin s'cilinu pranto milli isteddos
e pinta in chelos d'oro
cabaddos chin sas alas
musicas delicadas
e nuraches de re .
Dego so galu z6vanu.
Hapo bint'annos solu: so pizzinnu.
E che pizzinnu sico a m'imbentare
risos d'amore, labras de coraddu,
passibales de sole
e serenas ampruras d'arcu 'e chelu .
S'alipinta
chi cada sero benit a s'argustu
eris m'hat nau cantande
chin notas de galana sinfonia
chi dego so poeta
e chi non morjo mai
Sa sorte,
sfubile maleitta, dispensera
de mille irbirgos de cada zenia
a tottu sos poetas lis regalat
su labru etemu. S'immortalidade.
E dego so poeta.