Informazioni sull'opera
TRAMUNTU
Amiu maveggiau l'inisiole tramuntu
che cianin cianin u l'asbascie in ta baja
dall'egue carme d'argentu.
L'infèugau sule e l'urisunte
pò adagiau su l'estremu lembu
du mò, prima d'inabissose .
Stupiu e ammirau, ho fissau
in ti oegi a delisiusa scena, prevu,
nell'intimu, ugna irrefrenobbile giuia.
Sun disteisu su l'aina umida
cun e brasse lungu e cosce ferme
e e man averte versu l'ortu
per raccoegie tutte e stele,
numerose e splendenti che attraversan,
saettanti, u sè.
Sentu u sciabburdiu du mò
che u l'intre, pe retiose, tra
e piccigne covitè da superba scugea.
Odiènsa e duse notte incantate
d'ugna tegna, impercettibile
ninna nanna luntona.
Se sparpagie cumme l'òia
un sentimentu de pòxe
in tuttu u me curpu, liberu e felige,
strufugiau in ta silensiusa nèutte,
insemme d'un quortu de lugna.
| Titolo | Tramuntu |
| Sezione | Poesia |
| Autore | Carlo Rapallo |
| Nome | |
| Anno | 1991 |
| Argomento | |
| Descrizione | |
| Lingua | |
| Editore | Premio Ozieri |
| Contributore | ATHENA SRL |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 1991 |
| Copertura | Logudoro, Sardegna Italia |
| Diritti | Comune Ozieri, Premio Ozieri |
| Analisi del Testo |