Informazioni sull'opera
PRESTU PRESTU TOTU PASSAT
Nudda sciendi s'omini
crispu vagabundat in su mundu.
Cuaddighendi po carrelas
tanti' cosas du castiant,
sulendi in su fogu
lassendiddu a isperai
faendiddi nasci' appeddiu:
una stella coàina,
tloris asulus de campu
o un'isca birdi de canna
o s'ogu de una mannalitta,
oweru, a is bortas,
coment'e chi alguna cosa,
mai bista prima, eppuru
tanti tempus appetessia,
cumparressit tot'in d'una
e unu velu si pesessit.
Prestu prestu totu passat
e s'ordivinzu mai scioltu
po no hai ciappau sa crai 'e su misteriu
de tanti maraviglia,
abarrat criau in su segretu.
Lompit s'omini desupetoni a sa beccesa
e, marruscu coment'e unu mazzone
o sabiu coment'e unu dottori,
ascurta, ascurta, ottora abettat 'e sciri.
Ma totu est tristu insaras
e difficili a cumprendiri
mancai aggradessiu.
| Titolo | Prestu prestu tottu passat |
| Sezione | Poesia |
| Autore | Giuseppe Corona |
| Nome | |
| Anno | 1991 |
| Argomento | |
| Descrizione | |
| Lingua | |
| Editore | Premio Ozieri |
| Contributore | ATHENA SRL |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 1991 |
| Copertura | Logudoro, Sardegna Italia |
| Diritti | Comune Ozieri, Premio Ozieri |
| Analisi del Testo |