TRUNFAS E PISONAS

Happu trunfas e pisonas connotu
sonendu a Sant'Antoni e poberittus
andendu a peis nudus po unu votu;
trist'una mamma in is mengianus frittus
fuendu a Missa 'e gissu po pregai.
Su fradi est mortul Sighint'is biginas
sa nott'in pari mudas a gasai.
Po mei funt'aspettadas is muinas.
Happu connottu bragas e gipponis
fendu su ballu tundu a Regaliu;
canis de cassa currendu a sirbonis.
Su fradi parit sempri ancora biu
e, candu pensu a certus mamussonis,
is alluppat su coru e soi cittiu.
Su malu no ddu timas, giovoneddu:
bincit sempiri a ferru su cerbeddu.