Informazioni sull'opera
PRINZIPIU
Cando s'istrizile passu
lèpiu, in bisiones de pizzinnia
mijuchiat
a sos chiricheddos
disocrabo, chin atteras mentes
s'urtimu muru 'e nues; zertesas
tra pentumas, m'accumpanzaban a s'addobiu
e manos, ocros, in pèrpere madricaban
connoschenzias, d'atteros mundos
pessaos, a sa bida galanos.
Cando, istresiaos
pacos sinnos
an appertu s' animu, a s'eternu cassiare
appo secau sa preda 'e su coro
chircande percas
d'irfamiados bintos
pro acattare sas perdias mamas ...
de matessi omines.
Curriat s'abba in sos ribos
e su noddulosu ozastru
assentau isparghiat, galu
sos brattos a su sole
ammisturande s'umbra sua
pro cunsultos de babbauzzos .
A fundu de sa tanca
su mundu fit iscurtzu
dae cusinzos de pedde
irmenticaos ube
non b'at a essere prus torradorju .
Ma ... appo bidu, in palas de unu muru
istresiaos, pacu prus innantis
tempos nobos chi nos isettan .. .
cando s'an aperrere, madurande
sas ispicas de tridicu, incanias d'isettu
in sos fundaches, nobos
de una, manna, Europa!
| Titolo | Prinzipiu |
| Sezione | Poesia |
| Autore | Rosario Porcu |
| Nome | |
| Anno | 1991 |
| Argomento | |
| Descrizione | |
| Lingua | |
| Editore | Premio Ozieri |
| Contributore | ATHENA SRL |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 1991 |
| Copertura | Logudoro, Sardegna Italia |
| Diritti | Comune Ozieri, Premio Ozieri |
| Analisi del Testo |