Informazioni sull'opera
TESTO
A Buggerru
Dantzant ancora in alas de alidantza
sas ànimas in pena
sas ànimas in cadenas
in bolu contra sos printzipales de prepotèntzia
chi hant manicadu s'ùrtimu stìddiu de passièntzia.
Sas boghes de minerasi ndi pesant in banderas
chi sunt sas camineras de libertades novas.
Preguntas de zustissia bolant in sos chelos
pro batire su pane in mesa a sos pitzinnos.
Sos fizos de Buggerru
sos fizos de s'inferru
a sa muda a disizare arrogus de amistade
in tempus benidori
chi is undas de su mari
in mutos de paghe e de lugore hant a torrare.
E ruiu dae sas losas su sambene a froriri
hat a brotai in beranu in sonos a cantare
impari a su massaiu e a su messadori
chi candu si tenet bentu est pretzisu bentulare.
SCHEDA DELL'OPERA
Titolo | A BUGGERRU |
Sezione | |
Autore | Juanni Maxia |
Nome | B20040052 |
Anno | 2004 |
Argomento | |
Descrizione | |
Lingua | |
Editore | Premio Ozieri |
Contributore | TecnoService |
Tipo | |
Formato | |
Fonte | Premio Ozieri |
Relazione | Concorso Premio Ozieri 2004 |
Copertura | Italia, Sardegna, Logudoro |
Diritti | Comune di Ozieri - Premio Ozieri |
Analisi del Testo |