S'AINU PRESONERI

Peppigheddu est galu sutt'accusa
su carru 'e sa giustizia est arressu;
isettande a li fagher su prozessu
de ornare hat perdidu sa musa .
"Propriu corno - narat a s'iscusa -
chi andare devia a su congressu
europeu inoghe so repressu
cun s'idea politica cunfusa.
M'a mie non mi mancat sa passenzia
confido in sa giustissia e ispero
chi connoscan luego s'innossenzia.
Chei s'ave Maria d'ogni sero
hap'a torrare a pusti 'e sa sentenzia
a fagher serenadas a Piero;
cun s'istrumentu 'e segu(s)
pro li fagher passare s'arrennègu."
"Ecomi da-e nou rimunidu
ascurtademi atentos caros meos:
chene haer reatos cumitidu
postu m'han in su bancu de sos reos.
Custa paga est pro tottu sos pelèos,
sa ricumpensa, su bonu servidu,
chi semper isseddadu mi so 'idu
campande a paza sola annos intrèos?
Tottu sa procedura est corno arressa
chi 'est corno istruinde s'istruttoria
sempre pius m'istringhen sa cavessa.
So presoneri, vivende in penòria,
pregande (ca so postu sutta pressa)
chi mi diat s'illustre pretoressa
nessi sa libertade provisòria."