Informazioni sull'opera
RAPSODIA N. 2
Sa memoria mia est unu laberintu de sorpresas
aundi agattu s'abbandonu miu e is fueddus mai spendius .
Est su sprigu chi cambiat in fogu is i stiddius mius
e aundi s'anima bisungiosa fait ginnastica.
Inguni ti hemmu bia lompiri coment"e una prenda de grazias
aintru de is nius de is trempas tuas.
E fiat unu Dominigu chi si hat apportu s'unu a s'atra
poita sceti unu suspiru si separada.
E sigumenti is ogus mius dromint accanta de s'anima tua ,
sa notti, s'amori tenit romorius drucis e manixeddas de reposu .
Deu non t'hemm'a podi circai in logu prus giustu de is fillus
ca incidius si seus coment"e duus arrius
aundi dogna tempesta s'appaxiat de s'inghizzu a s'acabu;
aundi imparau non heus a morriri de frius
candu sa luxi si fmnat in is murus de su "No".
Sempri allirga in su corpus e in su nomini ,
has imparau a liggiri sa vida mia coment"e unu giornali,
aundi totus i' sillabas si movint in d'unu bazar de sonus
e nei papant su tempus a mussieddus in scalas e terrazzus.
Sceti in is ogus tuus su presenti est un'attobiu
de universus piticcheddus,
aundi si accuzzant basidus po segai su tempus,
insaras, candu a tui mi accappiu, unu munzioni,
a prantai s'amori miu.
| Titolo | Rapsodia N.2 |
| Sezione | Poesia |
| Autore | Efisio Collu |
| Nome | |
| Anno | 1991 |
| Argomento | |
| Descrizione | |
| Lingua | |
| Editore | Premio Ozieri |
| Contributore | ATHENA SRL |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 1991 |
| Copertura | Logudoro, Sardegna Italia |
| Diritti | Comune Ozieri, Premio Ozieri |
| Analisi del Testo |