TORRADE...

Pro campare sa vida
sezis in dom'anzena,
ligados senza funes
a su dulche ammentu 'e su foghile.
Babbu 'ostru est in cue,
sempre pensende a sos fizos lontanos ,
e sos disizos suos
de bos haer vicinos,
restan chimeras chi non dan consolu.
Marna, già pili cana,
che tando affainada,
iscanzat dogni tantu unu sorrisu,
fattu pro non mustrare
de sas intragnas suas su dolore;
e gai in cuss'isettu,
cantas boltas e cantas,
lestr'aperit sa janna,
cumbinta de intender
de sos amados fizos su toccheddu
ch'a domo sun torrados.
Però de issos 'idet solu s'umbra:
nessi cussa cartgnat
e gai si consolat,
a sa muda de nou pianghende.
Torrade!
babbuemama
bos cheren abbrazzare sa carena,
tales chi su palpitu 'e sos coros
tessan umpare cadenas de oro,
pro bos poder ligare
e cun issos restare sempre unidos.
Tando s'allughen chelos de affettu
cun fiamas de antigas recreos;
e fmin sos piantos
de cuss'amaru pane
regoltu in terras furtsteras.
Torrade!