SA TANCA EST SERRADA

Amus regoltu colovros
in sas tancas de Saccarza
a s'umbra
de sa turre pisana,
e beras parian
sas promissas noas.
Su tempus
nos at asciuttadu
sos trastes
subra sa pedde suerada,
e at frazadu
sos primos 'eranos.
De s'amore chi a nois
fit donadu,
remunimus solu
farfaruzas de fide,
semenes abbentulados
da -e su entu solopu.
No l'intendimus pius
su sonu
de s'ischiglia,
e pius non bolan
sos astores
in s'adde e' Codronzanu.
Amus truncadu
ratos de romasinu
in sos muros de ludu,
cunmanos
chi an connotu
carignos galanos,
chi an istrintu
su breve
appicadu a su tuju,
beneittu da-e
babbu rettore.su die
de Pasca 'e Nadale.
Como, tribulados
in sa carre,
andamus pedende
runcos de colovru,
ma sa tanca est serrada
cun giagas de ferru
chi non pocllmus giampare.