Informazioni sull'opera
BENI
Beni a s'orbescidroxu,
a s'ara chi is sonnus
bandant a si corcai.
Beni bistida a festa
po ballai,
m'has'agatai sonendi
cannas de bentu
trinidas de disigius
acuaus, lassaus
aintr'e bertulas de seda.
Beni maseda, nodida,
sigura, a iscusi, casi a fura
po no m'indi scidai.
Beni a s'orbescidroxu,
m'has'agatai ·
in pimpiridus luxentis
lassaus asub'e is follas
de su capedd'e muru.
In lagrimas calentis
chi su scuru 'e sa notti
hat pediu a s'arrosu.
Beni po essi' riposu,
assoddimindi ind'unu
puniu de luxi
i hat'essi' paxi
e m'has a assuermai.
Lassaminci passai
custa nott'e straccia
e de steddus fuius.
Beni a prim'ogh'e soli,
candu su frius
no fait prus timoria
e siasta nodia
imprassendimi', ninnendimi'
su sonnu de is sonnus.
Beni a fmnai is annus
e is undas chi a denotti
'nd'imbatti' su mari.
Agoa, strintus a pari
heus a andai camminendi
conc 'a sus,
e no nei hant'essi ' prus
Lambrigas di arregolli'.
Beni, candu has a bolli'.
| Titolo | Beni |
| Sezione | Poesia |
| Autore | Vincenzo Pisanu |
| Nome | |
| Anno | 1991 |
| Argomento | |
| Descrizione | |
| Lingua | |
| Editore | Premio Ozieri |
| Contributore | ATHENA SRL |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 1991 |
| Copertura | Logudoro, Sardegna Italia |
| Diritti | Comune Ozieri, Premio Ozieri |
| Analisi del Testo |