'Nantis...

'Nantis ... chi s'isula atzùvit
s'urtimu tzàpulu di arena

chi abangit is granitus arridaus
a bogai sidi a su scultori
de su soli chi mùssiat sa terra .
Gusta terra ingiriada de mari
fascada i amasedada de bentus
chi scutullant fòllas e sentidus

allisendi arrocas
atressendi
intr' 'e boscus i amentus.
Spibillendi bisus ... abetus
sperefundaus in gorròpus
de promissas scarèscias.
S'isula ... fragòsa de murta
tzinnìbiri e murdègu
gròga 'e òru de tiria e caragantzu
arrùbia 'e bababòis de seda.
Anca su mari est un' orizònti
chi nd torrat speras obrèscias
di abisongius antìgus.
Passau di acunnotu
alliòngiu chen' "e acabu

cun s'enna scarangiada a s'aillargu
chi tràgat avatu s'amistadi
e fait apubai unu tempus
abbisau ... chi sfàit 'su presenti
e sbòidat cussu benidori

ca 'su chi biveus oi
currit cun sa scientzia
ma
parit firmu.. .mudu
fìnas a su fueddu antìgu
sperditziau .. .scaresciu

chi segat s'acabu di ònnia versu
s'inghitzu di ònnia cantu.
Assustraus de spantu
si stèsiant is stèddus a millanta ...
'nantis ... chi s'isula scorriada

de ferìdas e tèntas abruxiadas ...

Rosanna Podda
Nata a Sorgono (NU) il 03/08/1943
Indirizzo Via Spano
8
09124 Cagliari
Rec. Tel. 070/657790 - 333/7351773