TIMORIAS

M' hat intristau su coru
su ti biri maladia ,
fiat tristu s'animu tuu
ma sullena portasta sa cara.
Umbras de timoria t'hanti toccau
su spiritu forti,
e deu mi seu intendiu nudda.
Ma forzis est serbiu a cosa
su t'essiri stetiu accanta cun sa forza
de is fueddus obbligaus?
Scetti insaras ...
hia hapai bofìu essiri frau potenti
po calentai cun sa forza
de sa stima mia po tui
is rajus impratiaus de sa luna,
po 'ndi fai farcis luxentis e accuzzas
po segai is accappius tuus
cun su mali chi ti turmentat;
o essiri Santu ...
po ponni asuba tua
is manus mias po ti sanai
e aici, po ti stimai ancora
po sempiri.