Informazioni sull'opera
RIOS
Da in artu in sa punta 'e su monte
cominzana sas trattar de sos rios
chi son falanne a piccu e sono siccos
mizas e mizas de annos.
E apenas in bassu er bidda mea
inue apo connotu
un'azicheddu 'e vena 'e poesia.
In.uve apo cantatu dae minore
galu a denter de latte
sas primas cantoneddas puzoninas.
Apo cantatu vrores de veranu
e cantatu sa mennula 'e domo
a duos chivos: su durche s'amaru
beneitu sas pretas
sas pretas c'at secatu babu meu
chin sudore e anneu
las at secatas pro pesare a mie.
E cantatu su pastoreddu mortu
e cantatu su prantu 'e sa marna
pustis apo cantatu su perdonu
apo cantatu a una ispera 'e sole
apo cantatu ch'er bella sa vita
cantatu sos pizinnos carigrogos
c'ana bisonzu e sambene
e pro issoso
sico galu a cantare dae su coro
a boche e ballu sardu in metas limbas
supra sas undas de atteros rios.
| Titolo | Rios |
| Sezione | Poesia |
| Autore | Publio Dui |
| Nome | |
| Anno | 1990 |
| Argomento | |
| Descrizione | |
| Lingua | |
| Editore | Premio Ozieri |
| Contributore | ATHENA SRL |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 1990 |
| Copertura | Logudoro, Sardegna Italia |
| Diritti | Comune Ozieri, Premio Ozieri |
| Analisi del Testo |