NOTIES DE IERRU FRITTAS

In custas nottes de ierru frtttas
chi duran longas oras
iscuru chie dromit foras.
Paret unu cobbanu
'e fresi nieddu
s'iscuru de segare a fittas
e cuguzat sa terra astrada e muda.
Nottes de astrore attarzadu,
attenazzadas,
danzi cosa in ispantu e mudore,
guvarda e infrtttorida,
est in isettu e pistighinzu
de oe e de su tempus benidore.
Ma su 'entu
chi si est pesadu
totu in duna,
fenenadu,
'attinne dae sas chimas
niadas de sos montes
nuscos nettos biancos nidos,
hat ischidadu sos isteddos
istrazzanne dae su lettu insoro
sas mantas de sas nues,
ispallattenne s'aera.
Prus mannu paret su frtttu
a sos isteddos sonnidos
e arrennegados,
sa terra nua.
Dromin sas pessones totucantas,
bene ammuntadas cun fressadas e mantas
e drominne
non penzan a cantu foras sun patinne
animales e prantas.