Informazioni sull'opera
IMPRENTAS DE MORTE
Unu coru d'anghelos a chelu
intregan sos lamentos tuos .
Pranghes sa mala-sorte,
e nois tottu pranghimus
fìzos dun'abitudine isconnotta.
Ses turpu, mudu e surdu
ca non podes intendere;
bives assuconau
a coro 'essinde in buca
a su mori-ista che luche 'e candela.
Juches s'alinu curzu ch'has sa vida
frazica e presa a un' 'ilu 'e ranzolu.
Bastat un'ancu po non s'acattare
de te mancu sos ossos!
Suspiras a s'iscusiu
ingurtinde amadeschiu ranchiores ;
sa carena s'iscottulat
cando a dromiu non pasat
bisionande martirios!
A iscutta has carchi brama
(chene connoscher tempus),
de torrare a bider sos colores
dun'arvescher in "bolu" 'e libertade.
Sos tuos, babbu e mamma
son a su rue-rue, iscancaraos!
Amicos e bichinos, intas nois
parimus che a tie
presoneris dun'urgu chene 'essida.
Sas cadenas chi ti chinghen
ti codian pras tudas,
chiscaini sa marca i' sa cavessa,
son sas presuras nostras:
s'abòmbinu 'e Sardinna e de su Mundu!
Andare non podimus a cara-arta,
s'istripile 'e Cainu nos pessighit
po' un'asche 'e cari-cottos!
Azuati e corazu, fra.de caru
'ite ti potto 'achei'? Custa pinna
siat s' 'uzzu, s'istilla
chi lis codiet s'imprenta intr' 'e su coro.
| Titolo | Imprentas de Morte |
| Sezione | Poesia |
| Autore | Lorenzo Loi |
| Nome | |
| Anno | 1990 |
| Argomento | |
| Descrizione | |
| Lingua | |
| Editore | Premio Ozieri |
| Contributore | ATHENA SRL |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 1990 |
| Copertura | Logudoro, Sardegna Italia |
| Diritti | Comune Ozieri, Premio Ozieri |
| Analisi del Testo |