DEGO NON SO' BALENTE
Dego non so' balente:
bio galu su mundu
chin pupias de latte!

S'anima mea, innida che moddizza,
si paschet de amore e bonu chfschiu.
Che mariposa in beranu
bolat da-e frore in frore
sucuttande da-e fozas de lentore
sa mutria 'e sa natura
che respiru 'e bida.

Su coro meu

est un'anzoneddu azocazzau,
curret e brinchittat
in bacantinos d'amistades
ponende fattu a chimeras
de sole.

Toccheddat che mazu
su coro 'e sa bida

isserrau

in pettorras de malissia
issepadas
a istuppos de tiria...

Dego, no hapo a esser mai balente:
bio semper su mundu
chin pupias de latte!...