PRESENZIA

De unu pagu de tempus mi persighis a nottis interas
e de custu incurpas a mei po t'essiri inzulada; 
a essiri ascurtada ammarolla ti ses abituada,
ses coment'e una maladia chi non si podit sanài.
Po custa battalla sighìa su com si spramat
avviliu in su ponti mentali de s'esistenzia;
poita tui non esaltas su brìu de sa vida ma s'apparenzia,
aici abituada comenti non ses, siat a crèi che a provài.
Cantu m'hiat a praxi chi tui fessist sceti una tempesta
ch'impèrriat su tempus passendi po sa ruga mia;
giai m'hiast a biri sèzziu cun facci arribugìa,
cunfortau de gosai. su serenu, luegu pustis nc'essi passada.
Ohi, giovunesa! Eita non femmu diaici?!. ..
Aundi, candu e comenti t'hapu perdìa?
Non certu in sas moltiplicazionis de is isprigus,
aundi, bistia di eternu, a longu mi cunfortasta ...
Insaras, nudda arreprantus o com: insaras sonasta,
cun tui, paris, pulsada totu s'Universu,
e difettu non ti fadiat certu su versu,
ca sa vida forti dda intendiasta: INDISTRUTTIBILI!
Prima durcesa e pustis amargura, intrada mi ses in su suidu:
fusu de bentus amigus de dogna surpresa;
sàbia adedì, a su notti, aici prena de malesa:
m'intossicas finsas a fundu, coment'e unu velenu.
T'hiamm'essiri bòffia cantai cun gana meda diversa;
ma candu mind'arzias in su sanguni diventas una bèstia:
abboxinendumidda sa vida t'intendu in is arterias,
ses troppu feroci, s'anima mi zàccas a 'rogheddus.
Eita ses tui po mei? E sa dì mia po su tempus?
Poita mi scurrias su com cun s'obbilu de su trumentu?
Deu e tui: it'arreghesciosu amori de supportai pudu a stentu
deu e tui: in su pau de sa propria sorti accappiaus.