Giaru brinchittat e lentu su riu
allorighende ciarrulanas undas.
In s'arcu mùrinu airàdas frundas
lampan pedras de fogu e tippidìu ...
Aes cagliàdas sas francas abberin
pesende subra s"adde 'olos de fura.
E umbras mannas nieddas che tura
sas lughes de s'avrèschida coberin.
S'avrèschida! Intro s'anima a repiccu
punghen sos primmos sonnios ... E ando
in su fogu 'e sas dudas ... E chetando
sulcos de chertu abberzo e de afficcu.
Ma oe a chie sos bisos, a chie
hap'a dare che lizos in grangeu?
Subra s'ìnnidu e caldu 'isare meu
morin cansìdos fiores de nie.
E che deris in rughes de caminu
falan selenas solidades mannas ...
Frinas atzesas ballan in sas sannas
siccas e nudas de su rù caddinu.
Ma so ficchidu ispramminende ranzas
de suerada sabiesa ! E tue
ite cheres e chircas? ... E a ue
punnas e andas in manos istranzas?
E curres ! Falzos lugores de oro
t'illùinan in tramas de iscuru.
Isetta ! Ammenta ! Tudare oe puru
sos giùilos rebelles de su coro
cheres che bita 'e trobeire a fune s
isciau in giannas de novellos don~os ?!
Ojò! Ch'isolven cumbattas e sonnos6
sos chi no' hana manc'abba in malune ...
E tando cantos giaman e isettan
sas abbas friscas de s'Amare mannu,
atzudos sas trobeas de s'ingannu
a crebu 'e su podere attesu ch"ettan .. .
Beni! Ti cherzo cumbidare ancora
sas pitzinnadas de sa 'innennera,
pèsperos de pappàile in s'aera
e mèrulas cantende intro sa cara.
Beni! T'ammustro unu mar"e ispigas
e chilandras in festa a bolu tundu.
A manu in giua currimus su mundu s
subra puddedras de undas amigas ...
Gai contivizende in sinu tou
sas isperas maduras ch'has a cherrer,
umpare a lugh"e sole hamus abberrer
sas rosas rujas de su tempus nou.