Premio Ozieri di Letteratura Sarda

Brillan sos ocos
in s'iscuridad'e sa notte,
abaulan sos canes
ed est torrada sa vida in sos montes.
Pastores e armentos, a iverru colau,
sun torraos dae sa pianura.
Manzanu han'arribare eminas e pizzinnos
chin su pan'e sa esta e su vinu.
Sos anzones sun prontos pro s'arrostu
e de merca sun cenos SOS malunes.
Su vezzu, a s'arveschida, cando su chelu
si tinghet de rosa,
muttit a bocche manna sor vichinos
pro l'azzudar'a tunder
e acher festa;
sos montes a inghiriu li torran solu
s'eco e sa voche sua,
manc'unu e sos amicos li rispondet.
Sunu partios tottus in attonzu
pro una transumanza chene ine.
Narat sa zente chi han bonas annadas
in sa campagna toscana, e chi sa notte
si corcan'in su lettu che signores.
Fachen, zertu, de prima menzus vida, ma a
[cale pregiu?
Los muttini bandidos,
custodesde verveches e de omines ricattaos,
tottus pianghen sas gurpas de pacos
e gurpa est finamentas esser sardos.
Brillan sos ocos a ~ a luch'e sa luna,
in su pinnettu sorroscian sos pastores
istraccos e imbriagos,
solu su vezzu vizilat in sa notte
rimirande sos saccos cenos de lana
chi sun tantos che in sas menzus annadas.
Ma cuntentu no est e no hat pache
pessande a sos amicos suos,
e pache no hat aere finzas a cando
non b'hat aer pius'unu pastore sardu
in sa campagna toscana
e mancu una verveche sarda.