DEUSMANNU

Deus mannu
cantu mann'est
s'infinid ' ispatziu eternu,
deo t'apo,
omine misuradu,
'attid 'a fromma mia
ca tue etottu,
nàchi,
nos l'as nadu.
Vivend'annos cun tegus
paris paris,
ti mir'in ervas,
bentos, fogos, fiores,
in rena bianca 'e mare,
in montes varios
ch'altos artzian a chelu .
As mill'orijas, tue,
ch'ischin e aiscultan puru
su chi remonzo e non naro:
pro cussu, cantu campo,
timo e t'amo.
As mill'ojos
ch'arrivin a tottue.
Antzis,
sun milli e milli e pius
de cant'isteddos lughidos
s'accheran dogni notte
subra nostra, costantes.
T'ido e non ti connosco
ca ses illacanadu o minoreddu.
Cuadu e sempr'innanti
m'abboghinas in s'anima
males e benes
e in coro m' 'ettas
umbras e lughes
ammentendemi dogn'ora
chi oe, cras e sempre,
finas ch ' esistit mundu ,
tue ses tottu
e deo, invece, nudda.