SU SALE

Su sale at bonu rendimentu,
Immaneabile in' ogni pietanzia,
Si de su sale sentit sa mancanzia,
Su zibu non ti dada nutrimentu,
Non a sabere, no tenet sustanzia
Maneari b'appat meda cundimentu,
Sia misera banca, e bundanzia
Senza sale non est nemes cuntentu,

Risu, e pett' arrustu pro dimizu,
Ogni buccon' e gustu e de recreu
Bi cheret de su sale s' esistenzia,
Pro fagher Cristianu in su batizu,
Su sacerdote in nomen de Deu,
Ponet su sale, nendo: e sapienzia,

Su zittadinu,


UN ISPERAGLIU DE SA VIDA

Unu truncu ezzu; de fezas' e fiores
Bidet affacca garrigas sas nae
E proffumadas de milli colores
A fagher nidu invitende sas aes ,
Sighendes' in bolos de amores
Cand' abrile a magiu da' sas giaes.
E tue truncu ezzu ti distraes ;
Coment' isperan' ateros vigores ?

Passas' ierru e torrat s' eranu ;
Li prenetad' in sinu adagiu-adagiu
Su vigore nelzende: ecco e' arrivo
Cumparid una gemma in s' oru sanu
Naschet lecu fiore a mesu magiu
Pomposu Nelzende : pur' eo vivo ! .....

Su Zittadinu


E ITE NDAPO OGADU ?

E ite ndapo ogadu in custa vida ,
De tantu sacrifiziu e tribagliu ?
Appo postu sa carena a su bersagliu ,
In' ogni tempus in'ogni istagione;
E m' antaia d' esser campione
In massaria ;azzettai ogn 'iffida .....

Dae minore , cretendemi mannu
Su semene a tiu meu furaia
E fattu sou lu semenaia
Pensa !..In su ch'aiat semenadu
Senza cumprendere chi su resultadu
A sa naschida nd'idìas'su dannu,

Ma nan tardeit a sinde abbizzare;
Mi regaleid'un'iscabessada
Chi m'apo idu sa car'allumada,
Iatantu a tiu mei l' insistia
C' assemenare una tula cheria,
Finas' chi m' at devidu accuntentare ,


E da-e poi chi mi so immannadu,
In su tribagliu ponia contifizu


Non mi riprammiaia mancu aizu
C' affagher figurona bi tenia
Fia fissadu in cussa mania
Chi nisciunu s' aeret superadu,

Fia orgogliosu ; ma vermente fia
Massaggiu conneschente e geniosu ;
Cant' e-a mie ma pius famosu
Non fi possibile ; e senza timore
De ogn' istagione su rigore
Senza minde curare affrontaia

Tott' app' affrontadu senza impudu
Ca nachi su tribagliu nobilitada ;
Cando sas forzas' a trabagliu impitada
Ma de tantu Ite ndap' ogadu ?
Miser' e bezzu curvu diventadu
Pien' e dolores , briv' e saludu ,

Su zittadinu