Informazioni sull'opera

TESTO


MAMA CAL'E' SA VERIDADE?


Mama inue sese
naramillu

babbu est'Ingue accultu a tie?
dami unu sinzale
asseguramillu

chi sezzis felizes Inie

Chelz'esse zeltu
pro cantu cun dolore

chi siedes umpare a su Segnore.


Siss'est'istadu amore solidu e profundhu

e de sa vida ostra fulcru e pernu

so siguru chi puru in s'atteru mundhu
sied'amore indissolubile e eternu

tottu finidi
s'è sempre nadu gaj

ma amore e anima no an'a morre mai.


Eo bos immaghjno sempre jas
cun nois sempr'a fiancos

in su gaudiu e sa'l maladias
no sezzi ennidas mai mancos

nos azzi'l valdiadu e custodidas
coment'azzi fattu sempre in vida.

Chi sied'asie è'l zeltesa

creo dezzisu in su chi penso

è sa fide chi mi da seguresa
si puru calchi dubbiu lu tenzo
e mi pare sie puru normale
pro me miseru moltale.

Mi mancada sa ostra presenscia

su carignu e su cunfoltu

vìvo sa mia esistenscia
in s'inzeltesa e chen'appoltu

timendhe chi sa molte
puru s'anima si che pòlte.

Benzo sempre a bos agattare
in custa dimora decorosa e silena

cun bois faeddho ma chena bo' serare
patendhe in coro un'infinida pena

bo'l vaso cun affettu in sa'l retrattos
ischendhebo' sepultas e ghjà isfattos.

Mama inue sese
cal'è' sa veridade?
Babbu est'accultu a tie?
Appe'l de me piedade
e assegurami chi sezzis
abberu
Inie.

SCHEDA DELL'OPERA
TitoloMAMA CAL'E' SA VERIDADE?
Sezione
AutoreGiovanni Maria Pala
NomeB20040069
Anno2004 
Argomento 
Descrizione
Lingua 
EditorePremio Ozieri
ContributoreTecnoService
Tipo 
Formato 
FontePremio Ozieri
RelazioneConcorso Premio Ozieri 2004 
CoperturaItalia, Sardegna, Logudoro
DirittiComune di Ozieri - Premio Ozieri
Analisi del Testo