Tristessa e gioia

Ancora bia o calda est na chijna
in sas campagnas de luttu ammantadas;
tra erbas siccas, alvures brujadas
s'aggirant desolados sos massajos,-
Finas su sole-hat blandadu sos rajos
pro chi non morzat dogni raighina

Su pastore dolente giughet s'ama
die pro die in diversu terrinu
in chirca do pastura, poverinu,
pro s'alimentu 'e sa robbu famida:
una tuppa, unu cardu o una sida
iscampados da , s'ira 'e sa fiama,

In tale tristu e desolante istadu
non ses sola, Othieri, ma in tottue
sa matessi disgrascia chi has tue
colpidu hat sah Sardigna tott'intrea:
s' idet chi zente iscussensciada e fea
in tottas sas contradas hat passadu.

Ma pro tantu dolore has un amparu,
nobile zittadina 'e Logudoro,
non ti mancant sas forzas ne su core
pro superare sa calamidade:
sos populu de bona volontade
chi zedas a sa pena est casu raru.

Subitu-ti sullevas e ristoras
cun s'opera costante e fittiana,
eppoi has una Mama Soberana
chi veneras cun fide e santu zelu
sa cale ti dinpensat-da' su Chelu
s'azudu, a sos bisonzos,chi imploras ,

Cand'istrintu sos males t'hant assediu.
in epocas passadas e presentes
poverittos e riccos ponsidentes
hant fatt'a gara bincher sos malannos,
cun sa matessi gara in tantos annos
esaltadu han su Remediu.

Biada Tue, nobile Othieri,
zittade digna de onore o de fama,
de sarda poesia prima
mama pro risorsas inmensas esemplare,
famosa e dilicada in su trattare
s'umile n on connottu passizeri.

Si cunzeder mi diat sa fortuna
pro meraculu, nessi, de Maria
Chi custa peregrina poesia
esseret digna pro s'iscopu ch'ada,
Virgine'e su Remodiu Immaculada
Ti fatto sa promissa sola e una

de benner a pes tues volenteri.
Vivat Maria e vivat Othieri

(Francesco Scarpa)